‘Friend ராமசாமி’ என்பவர், 1950, 1960களில்
ஒரு புகழ்பெற்ற நாடக, சினிமா நகைச்சுவை நடிகர்.
T.K.S. சகோதரர்கள் நாடகக் குழுவில்
ஒரு முக்கியமான நடிகர். ஒல்லிக்குச்சியான,
நெட்டையான உடல் வாகு உள்ளவர்.
‘மனிதன்’ என்ற நாடகத்தில் ஒரு காட்சி.
ராமசாமி தன்னுடைய குடும்ப
டாக்டரைப் பார்க்கச் செல்கிறார்.
அவர்களின் உரையாடல்:
டாக்டர், ராமசாமியை பரிசோதித்துவிட்டுச்
சொல்வார்.
டாக்டர்: ராமசாமி, உங்களுக்கு ஒரு வியாதியும்
இல்லை. வீக்காக இருக்கிறீர்கள்.
அதனால் நிறைய வைட்டமின்கள்
சாப்பிட வேண்டும். இதோ அதற்கான
பிரஸ்கிரிப்ஷன்.
பிரஸ்கிரிப்ஷன்.
ராமசாமி: (அந்தச் சீட்டைப் பார்த்துவிட்டு)
டாக்டர், ஒரு முக்கியமான வைட்டமின்
மாத்திரையை எழுத மறந்துவிட்டீரே?
டாக்டர்: அது என்ன?
ராமசாமி:அது தான் வைட்டமின் ‘ப’.
டாக்டர்: இது என்ன புதுமையான வைட்டமின்.
நான் கேள்விப்பட்டதே இல்லையே?
ராமசாமி: ஐயா, வைட்டமின் ‘ப’ என்பது பணம்.
அதுதான் எனக்குப் பற்றாக்குறை.
இந்த தமாஷான வார்த்தை நாளடைவில்
மாணவர்களிடையே பிரபலமானது.
இந்தக் கட்டுரை, வைட்டமின் ‘ப’ வைப் பற்றியது.
ஆனால், நிச்சயமாக, கண்டிப்பாக
இந்தக் கட்டுரை மூலம், 10 நாளில்
யாரும் பணக்காரர் ஆகிவிட முடியாது.
